لتصفح المنتدى بشكل جيد يجب تحميل فاير فوكس اضغط على الصوره لتحميله


اهلا وسهلا بك فى منتداك تعارف دوت كوم
سجل معنا هتلاقى (افلام عربيه واجنبيه &اغانى عربيه واجنبيه&العاب&برامج&اخر الاخبار)
سعدنا تشريفك وتسجيلك معنا








 
الرئيسيةالرئيسية  البوابةالبوابة  س .و .جس .و .ج  التسجيلالتسجيل  دخولدخول  

شاطر | 
 

 نكت رائعة جدااااااااااااا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هشام عبد السلام
المشرف العام على اقسام المنتدى
المشرف العام على اقسام المنتدى


عدد المساهمات : 100
تاريخ التسجيل : 27/02/2011
العمر : 27

مُساهمةموضوع: نكت رائعة جدااااااااااااا   الأحد فبراير 27, 2011 7:42 pm







مرة في 3 رجال اتفقوا مين
بجيب اكبر تمساح راح الرجل 1 جاب واحد كبير وراح
الرجل 2 جاب واحد اكبر وراح الرجل 3 و ما رجعش راحوا
يدوروا عليه لقوه شايل تمساح صغير و بيغني له بابا فين ؟؟



مرة في رجل أخذ شهادة دكتوراه فقال لزوجته والله ماخبرشى ليه
الناس بيضحكوا على أدينى جبت الدكتوراه. فقالت
له زوجته: دق على الخشب عشان العين. فدق على
الخشب. فقالت الزوجه مين على الباب؟ فقال الزوج: خليكي
انا حاشوف مين




اتنين رجال بيلعبوا شطرنج الملك مات مشلول



مرة رجل طلعله عفريت علاء الدين وقال له شبيك لبيك
خدامك بين ايديك قال له
عايز كوبري من الصعيد الى نيويورك
قال له مستحيل شوف طلب غيره قاله طيب خلي الصعايدة يفهموا
فكر شويه وقال له عايز الكوبري اتجاه واحد ولا اتجاهين ؟




. واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية


· مرة مدرس رياضة اتجوز مدرسة رياضة خلفوا ولد متساوى الساقين


· ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد


· هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه


·
زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة
إلا الزرافة ،قالولها :جيبي لنا حبل. قالتلهم :ما فيش. قالولها :إحنا
جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت
لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد
حيعرف شغله


· واحد أحول راح يجيب أبوه من المطار باس الشنطة وشال أبوه


· مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة


· تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع


·
مرة واحد غبي ماشي في الشارع لقي واحد صاحبه قاله ازيك ياعلي شكلك اتغير
خالص الثاني رد عليه بس انا مش علي الاول قاله وكمان غيرت اسمك


·
سواق ماشى ع الطريق واحد لابس احمر فى احمر شاور له فوقف السواق و قاله
انت مين و عايز اية قالة انا الفرفور الاحمر و عايز توصلنى فقالة لا مبوصلش
فرافير و مشى و سابة شوية لقى واحد لابس اصفر فى اصفر و بيشاورلة فوقف و
قالة انت مين و عايز اية قالة انا الفرفور الاصفر و عايزك توصلنى فقالة لا
مبركبش فرافير و مشى و سابة شوية و قابلة واحد لابس اخضر فى اخضر عمل معاة
نفس الحكاية ف السواق سابة و مشى شو ية كمان كدة و لقى واحد لابس ابيض فى
ابيض بيشاورلة ف السواق وقف و قالة يا ترى انت بقى الفرفور الابيض فقالة
الراجل فرفور اية رخصك يا روح امك



· اتنين مساطيل حبوا
يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا
الهدوم وقعدوا يزقوا فى العمارة يزقوا ، جه واحد من وراهم وسرق الهدوم ،
فواحد منهم بص ورا ملقاش الهدوم فقال له كفاية كدة احنا بعدنا اوى



· محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق


واحد ندل فتح مصنع بيبسي كتب على كل علبة : رج جيدا قبل الفتح


·
واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟
ردت عليها : لا لا لا الحمد لله ، ابنى ما بيدخنش..... الا اذا سكر


ثعبان نظره ضعيف يوم ما حب واحده..... طلعت خرطوم


· واحد قال لأبنه: نابليون وهو أدك كان أول واحد في الفصل،... رد الواد على أبوه : نابليون وهو أدك يا بابا كان إمبراطور


·
واحد ومراته متخانقين فبطلوا يكلموا بعض فكتب ورقة صحيني الساعه 6:30
علشان عندي شغل ، وحط الورق على السرير ونام صحي الساعة 10:00 فلقى ورقه
مكتوب عليها الساعه 6:30 يلا إصحى



فيل ضخم كل يوم يمر على
مملكة النمل يهدها، النمل اتفق عليه قالوا : حنستخبى له فوق الشجر و أول ما
يعدى نقفز عليه و نقرصه لحد ما نقضى عليه المهم الفيل مر راح النمل قفز
عليه الفيل حس بيهم راح خابط زلومته شمال وقع نصهم و راح خابط يمين وقع
النص التانى و مفضلش غير نمله واحده فكل النمل واقف تحت يهتف لها اخنقه يا
فوزى




مرة أتنين صحاب راحوا للحلاق واحد حلق والتاني غويشه*
واحد اصلع خلف ولد سماه شعراوى *
مرة واحد اكل رز معمر ضرب في وشه*
مرة واحد راح الجهاديه طلع من الجهة التانيه*
فرخة استحمت بهد اند شولدر باضد بيضة من غير اشرة*
مرة أتنين قرع أتخانقوا على مشط *
مرة مدرس كيمياء خلف عيل سماه سامى اكسيد الكربون*
مرة أتنان بلدياتنا حبوا يسرقوا بنك سرقوا بنك الدم *



واحد احول امه ماتت دفن ابوة *
مره واحد بيحب يمشى ويمشى مبيحبوش*
مره كان في قط بيجري وراء قطه اعد يجري وراها لحد ما خبطتها عربيه قال لها احسن ابقي خالي الشرف ينفعك*


مره
واحد احول بيعاكس واحده حوله بيقولها والله انتوا الاتنين احلى من بعض
انتو الاتنين زى الامر فاتعصبت وقالت :جرىايه ياشله قليله الادب



مرة واحد كان نفسه يعمل حاجة الناس تفتكره بيها
ففكر انه يغلم نملة الباليه وفعلا جاب النملة ونجح فى تعليمها.... وقال يا ترى مين يقدر الفن ده
قرر انه يعرضها على الاطفال
فقابل ولد وسأله اسمك ايه ؟ قال محمد...
قال الراجل ايه دى ...
قال الولد :دى نملة وفعصها باصبعه....
الراجل اتجنن وقعد فى المستشفى سنين كتيره...
المهم علم نملة تانية الباليه....
وقال المرة دى نعرضها على الشباب بيفهم أكتر
فراح لشاب و سأله اسمك ايه قال :محمد
قال الراجل :ايه دى قال الشاب: قلتلك من عشرين سنة ان دى نملة وبرضه فعصها باصبعه



نشر رجل سطر فى اعلانات مبوبه:مطلوب زوجه و تانى يوم جاله ميت جواب فيهم نفس الرد:تاخد بتاعتى؟



مراهق
قعد على القهوة مع أبوه نادى القهوجي على جنب وقالو بصوت واطي هاتلي واحد
بيرة بس حطه فى فنجان شاي علشانأبويا مايخدش باله فصاح القهوجي وقال وعندك
واحد بيره فى فنجان شاي وصلحووووووووووووو



مره واحد ابنه
بلع فتاحة فكلم الدكتور و قال له ابنى بلع فتاحة فقاله الدكتور اقلبه لحد
مأجى و بعدين الرجل كلم الدكتور و قالهماتجيش أنا لاقيت فتاحه تانيه



كان
فيه قرية كلها أغبياء وكان فيها حفرة كل الناس بتوقع فيها وبتتعورالعمدة
جمع أذكى 3 فى القرية عشان يحلوا المشكلة أول واحد … إحنا نبنى مستشفى
بجانب الحفرة الى يقع يدخل يتعالج العمدة …. أنت غبي آوى تانى واحد …..
إحنا نجيب إسعاف بجانب الحفرة الى يقع الإسعاف تشيلة للمستشفى العمدة ……
أنت اغبى منة الثالث ……. يا حضرة العمدة إحنا نردم الحفرة دى ونعمل واحدة
ثانية جنب المستشفى



مرة واحد راح للدكتور قال له يا دكتور لما احط ايدى على عينى ما بشوفش حاجة الدكتور عملة عملية خرملة ايدة



راجل
متجوز عنده دولاب فى البيت ممنوع أى حد يفتحه غيره مراته حيقتلها الفضول
عاوزه تعرف الدولاب فيه ايه؟ لكنالرجل مش مديها أى فرصة، المهم فضلت طوال
عشرين سنه منتظره الفرصه لحد ما فى يوم نسى يقفل الدولاب و نزل ففتحتهفلقيت
عشرين ألف جنيه و بيضتين فجريت على جوزها وسألته عن سر الموضوع ده و أصرت
انها تعرف فقالها اقولك بستوعدينى انك تسامحينى، قالت أوعدك، فقالها
الصراحه انا كنت كل ما أخونك أجيب بيضة و أحطها فى الدولاب، فالست قالت
فىنفسها مرتين خيانه فى عشرين سنه ماشى سامحتك بس العشرين ألف جيه دول بتوع
إيه قال لها ابدا أنا كنت كل ما اكمل كرتونه أبيعها



واحد بخيل ابوه مات فراح يعمل نعى فى الجرنان
فقالهم :أقل حاجه عندكم ايه
قالوا له : سطر واحد خمس كلمات،
قالهم : اكتبوا رزق ينعى ولده،
قالوا له : لسه ، فاضل كده كلمتين
قال لهم : و يصلح راديوهات



واحد بواب كل يوم ينزل ينادى على مراته
ويقول لها : عاوزة حاجة قبل ما أروح الشغل
فتقوله : لا
يروح قاعد على الدكة



راجل
و مراته ساكنين جنب شريط سكة حديد فكل لما القطار يعدى يوقع لهم الدولاب
فالزوجه زهقت فجابت نجار طلبت منهيصلح الدولاب النجار اختبر الدولاب قال
لها ده سليم
قالت له خش جواه و لما القطر يعدى حتعرف العيب فين فسمع كلامها و دخل،
بعد شويه جوزها وصل من الشغل فتح الدولاب فوجئ بالنجار
فقاله انت بتعمل ايه هنا؟
رد عليه لو حلفتلك ميت يمين حتصدق انى مستنى القطر؟



واحد
حقود اتحكم عليه بالاعدام هو وواحد ثانى فقالوا لهم كل واحد له طلب أخير
قبل الموت فالأول طلب إنه يشوف مامته والثانى الحقود قاله ما تخلوش يشوفه



مره
واحده كل ما حاجه تبوز تقل لزوجها "يا راجل التلاجه بازت " يقول وانا مالى
هو انا ايديال "يا راجل التليفزيون باز " يقول هو انا جولد ستار . راحت فى
الاخر اشتكت لجارهم راح قالها ولا يهمك انا اصلحلك كل حاجه بس على شرط
يااما اخد بوسه او تعمليلى تورته . المهم جوزها جه من الشغل لقى كل حاجه
متصلحه قام سألها مين اللى صلح الحاجات دى راحت حكتله فرد جوزها وقالها "
وطبعا عملتيله تورته " فقالت " ليه انت شايفنى لابوار "



جذمجى مات بالجذمة القلبية
عملوا له نعل فى الجرنال
جم يعملوا له الاربعين لاقوه ضيق عملوا واحد و اربعين




مرة
واحد كان عنده 15 قملة فى شعره فراح للدكتور فقال له انت تروح تغسل شعرك
بميه سخنة وتنام فعمل زي ما الدكتور قاله وراح فى الصبح سمع قملتين
بيتكلموا الأولى بتقول للتانية شفتى موجة الحر بتاعة إمبارح دى قتلت واحدة
من عندنا.. فراح للدكتور تانى فقال له لازم تروح تغسل شعرك بميه باردة و
تنام فعمل زي ما الدكتور قاله.. وفي الصبح سمع نفس القملتين بيتكلموا
الأولى بتقول للتانية شفتى موجة البرد بتاعة إمبارح دى قتلت واحدة منا فراح
للدكتور قاله مفيش غير حل واحد إنك تنام جنب واحد شعره مليان قمل فعمل زي
ما الدكتور قاله الصبح سمع القملتين بيقولوا شفتى الحرب بتاعةإمبارح دى
قتلت منا 7 قملات ففرح أوى.. فسمع التانية بتقول و إيه يعنى ما إحنا اسرنا
50



مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .. في سجارتين



ظابط بيسأل عسكرى :السهرة إيه النهاردة
قاله:اخترنا لك
رد الظابط:أيه!!!؟
العسكرى:إخترنا لسياتك ياباشا!!!



عملوا مسابقة لاسرع واحد يصطاد ارنب برى من مغارة مهجورة
الامريكى دخل المغارة وخرج بعد 10 دقايق وفى ايده ارنب
الالمانى دخل المغارة وخرج بعد 7 دقايق وبرضه فى ايده ارنب
بلدياتنا دخل المغارة وغاب خمس ايام دخلوا يطمنوا عليه لقوه ماسك اسد بيضرب فيه وبيقول له : جول آنى ارنب 00جول آنى ارنب



عوضين عمال يخبط دماغه في الحيطة لحد ما دماغه اتفتحت
امه بتساله: مالك يا واد يا عوضين
ضحك اوي و بطل خبط دماغه و قال: ايييييييوه عوضين - هو ده اسمي



واحد فشار بيحكي مغامراته لصاحبه الغلس
الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها
الغلس : يا كداب هو في الصحرة في عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرة في شجره
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرة
الفشار : فضلت اجري اجري لغاية ما أكلني ارتحت ؟



مجموعة من الكلاب قاعدين مع بعض بيتكلموا فى موضوع
الأول قال: هوهو
التانى قال: هوو هو
التالت قال: هوووهوو
راح الرابع قال وووووووو
رد عليه واحد قاله لوسمحت ما تخرجش عن الموضوع



واحد عنده برد.. راح للدكتور..
فالدكتور سأله.. انت بتهوى بيتك كويس..
فقاله لا ..
فقاله افتح الشبابيك كل يوم قبل ما تنزل وتعالى ليه بعد اسبوع..
بعد اسبوع راح للدكتور
فسأله الدكتور.. ها البرد راح
فقال له البرد راح والتليفزيون راح والفيدو راح



و زبون يدخل كل يوم نفس المطعم فالجرسون يسأله
عاوز
تاكل إيه.. فيأخذ فوطة الجرسون ويشمها ويقول له انتوا عندكم النهاردة سمك
فيليه + أرز + صلاطة وهكذا كل يوم فالجرسون اتجنن فأعطى لمراته الفوطة وقال
لها استحمى بيها وأديها لى وبعد كده الزبون دخل المطعم واخذ الفوطة زى كل
يوم وشمها وبص للجرسون وقاله انت جوز فتحية؟



كيف ندخل الفيل داخل زجاجة سفن أب
(أسهيه وهو بيشرب وأزقه )



كيف نخرجه منها ؟
(أرجها تفور يروح طالع)



ليه الفيل بيلبس شورت أخضر
(عشان لما يختبئ فى البطيخ ما يبانش)



ليه الفيل بيلبس شورت أحمر
(عشان الأخضر مغسول)



إيه اللى بيطير فى السماء وينور ويطفى
(عصفورة لابسه أميجو بينور)



ليه بلدياتنا لما يدخل يستحمى ياخد معه ابرة وفتلة
(عشان لو المياه انقطعت يخيطها)



ليه بلدياتنا بيدق مسمار 10 سم فى صدر طفله
(عشان يشبك فيه البزازة



ما هو التشابه بين إزازة الريحة والجواز
(الريحة قسمة والشبراويشى والجواز قسمة ونصيب)



ما هو التشابه بين السماء والكدليز
(الاثنين 7 طبقات)



ما هو التشابه بين الكمبيوتر والحفرة
(الكمبيوتر حاسب ألي والحفرة حاسب لتقع)



ما هو التشابه بين الكمبيوتر والاستريتش
(الآثنين بيجيبوا أدق التفاصيل)




مرة واحدة تخينة اوي مسكت حرامي قعدت عليه فطسته
نادت علي ابنها وقالت له روح نادي أبوك بسرعة ردالحرامي من تحتها :بسرعة ياله



كتكوت كان ماشي في الشارع يدخن سيجار، شافه ديك، قال له ما تخاف من أهلك؟) قال له الكتكوت باطمئنان : (لا، لا تخاف أنا تفقيس مكن(



زهقان تزوج من وحدة زهقانة، خلفوا ولد سموه افففففف
وحدة فتحت جواز سفر جوزها شافت مكتوب عليه رجل اعمال. خربشت عليه وكتبت رجل سعديه.



مرة
واحد قال لواحد انا فنان قاله التانى عظيم بترسم قاله لاء قاله التانى
بتغنى قاله لاء فنااااان قاله هايل يبقى بتمثل قاله لاء انا فنان بحط العيش
فى الفن



مرة واحد دماغة لفت قابلها من الشارع التانى*
مرة واحد نزل محطة الرمل رجله غرزت *
مره اتنين ضربوابعض بعض اتعور *
سباك نفسه اتسدت قام مسلكها *
شرطي مرور خلف واد بيتكلم بالاشارة *
مرة واحد وقف تاكسى الو رشدى على البحر قاله مشفتهوش*



مرة
كان في ماتش بين فريقين حشرات في الشوط الاول في فريق انهزم واحد صفر و
الشوط الثاني نزلت أم أربعه و اربعين دخلت 42 هدف بعد الماتش صحفي بيسأل
المدرب اللي فاز :ليه مانزلتش أم أربعه و أربعين من أول الماتش ٌقاله:كانت
بتربط الجزمة



إتنين صحاب قاعدين مع بعض في البلكونة
الأول :واحد وقع من الدور التالت لقى إيه؟
التاني : مش عارف.
الأول : لقى حتفه. طب واحدوقع من الدور
الرابع لقى إيه؟
التاني : مش عارف.
الأول : لقى مصرعه. طب واحد وقع من الدور الخامس لقى إيه؟
التاني : مش عارف.
الأول : لقى ربه. طب واحد وقع من الدور السادس لقى إيه؟
التاني :مش عارف.
الأول:لقى اللي وقعوا قبله.
التاني راح سايبه ونط من البلكونة



مرة واحد مخه تعبان شوية معاه كيس فشار ف فشارة وقعت
من ايده.قالها اطلعى. ماطلعتش, اطلعى, مطلعتش.
راح رما الكيس كله و قال لهم هاتوها



واحد بتاع قصب قصبة رجله إتكسرت مصها *
لاعيب كورة شاط ريحته طلعت *
كمسارى راح يتجوز لقى المهر ناقص كتب الباقى على دهر التذكرة !!!*



ولد
راح للبقال قال له عندك جبنة رومى قال له أيوه قال له طب إدينى بجنيه
حلاوة. تانى يوم جاله نفس الولد قاله عندك عيش فينو قاله أيوه قال له طب
إدينى بجنيه عيش بلدى. ثالث يوم جاله نفس الولد وقال للبقال عنك زيتون أسود
قاله أيوه قاله طب إدينى بجنيه خيار مخلل.
البقال زعل جداً وراح يشتكى
الولد ده لأبوه وقاله ابنك بيعمل كذا كذا. رد الوالد وقاله :- آه من الولد
قليل الأدب ده .. إنت عندك عصاية رد البقال أيوه قاله خلاص إضربه قلمين



عارفين الارنب بيخاف يمشى قدام القهوة ليه؟
علشان بيخاف من السحلب المكار



صرصار فطسان على روحه من الضحك ليه عشان اللى بيضربه بالشبشب أحول



واحد
مرة قال لأبوه علمنى يابا الهيافه ابوه قاله خليك يابنى زى ماأنت كده *
بلدياتنا راح يسوي معاشه لقي الفرن قافل نجار نفسه انكسرت غراها و سمرها *
واحد منحوس خبطته عربية ومات فروحه طلعت خبطتها طيارة
واحد مسطول بيلعب كورة اخذها على صدره طلعها من مناخيره



واحد غبي ركب تكسي وركب مرتو قدام علشان السواق مايطلع عليها بالمراية......................




عريس
مسطول على الآخر في يوم فرحه..بعد المعازيم مامشيوا دخل البيت لقى العروسة
قاعدة، قال والله انا كنت عارف في الهيصة دي هاينسوا حد!


مسطول
قابل واحد صاحبه متغاظ من امريكا، المسطول حب يهدي صاحبه، قاله شوف امريكا
من غضب ربنا عليها خلاها هناك فى آخر الدنيا لكن مصر يادوبك ساعتين
بالبيجو


مرة
اتنين مساطيل قعد ين بيحششو فا فى واحد منهم لقى جنازة فى الشارع فقال
للتانى هو مين الى مات قاله عمك احمد قاله الله يرحمه، فى اليوم التانى
الناس عملو سوان للناس علشان ييجو يعزو، قاله هو مين الى مات قاله يابنى
انا قلت لك عمك احمد قاله الله يرحمه، فى اليوم التالت شاف نفس السوان قاله
هو مين الى مات رد عليه التانى قاله انا كل يوم اقولك ده عمك احمد راح رد
عليه قاله هو مال عمك احمد بقاله تلت ايام الدنيا مخبطة معاه كدة ليه


واحد غبي رجع من السفر لقى الشقة مليانه صراصير.. غير قفل الباب

مرة واحد محشش لقي كنز قال: كويس فاضل الخريطة!!
-الطبيب: هل استفادت حماتك من العلاج؟
الزوج: لأ، ولكني انا اللى
استفدت

الطبيب: إزاى؟
الزوج: لقد توفيت حماتي بعد العلاج بيوم واحد


-نقل المصاب الى الإسعاف فى
حالة سيئة فسأله الطبيب وهو يدون معلومات عنه : هل أنت متزوج

المصاب : لا
يادكتور إنه مجرد حادث سيارة لا غير


ظبطوا دكتور فى شم النسيم
بيلون البيض بالبيتادين والميركروكروم


-الأول: لماذا تخرج من
الشباك؟

الثاني: لأن الطبيب قال لي لا تخرج من الباب لمدة شهر


-دكتور عظام مشي في الشارع
الكلاب جريت وراه


-ذهب رجل بخيل إلى أحد الأطباء
وكان الطبيب يتقاضى على الكشف للمرة الأولى ثلاثة جنيهات، وفي المرة الثانية
جنيهين، وفي المرة الثالثة جنيها واحدا

وقال الرجل البخيل للطبيب لقد سبق أن عرضت
نفسي عليك مرتين قبل الآن، وهذه المرة الثالثة، فأرجو آن تبحث حالتي الآن وتصف لي
العلاج المناسب، وهذا جنيها أجرة الكشف

وفطن الطبيب لهذه الحيلة، فأجرى الكشف على
الرجل، ثم كتب له الوصفة الآتية: يعاد استعمال الدواء السابق مرة ثالثة


-السباك للدكتور: أجرة إيدى
لتركيب المواسير والحنفيات 300 جنيه

الدكتور: ليه يعنى ! ده أنا عمرى ماأخذت هذا
المبلغ وأنا دكتور

السباك : ولا أنا برضه لما كنت دكتور


-مرأة في بيتها مساءً .. فقد
زوجها الوعي وحاولت أن تصحيه ولم تفلح .. وتذكرت جارهم وهو طبيب بيطري فأسرعت إليه
.. وبعد أن حضر الطبيب وبدأ بفحص الزوج .. رفع الذراع إلى أعلى فسقطت ورفع الساق
أيضاً فسقطت فقال للزوجة : إذا بقي على هذه الحال إلى الصباح اذبحيه ..


-طبيب عيون يجلس مع خطيبته في
المطعم يتسامران .. أمسك وردة كانت أمامه وسألها : شايفة الوردة ؟ فتبسمت وقالت نعم
تظن أنه بدأ يغازلها ثم أبعد الوردة إلى مسافة وسألها : والآن شايفة الوردة؟..




اتنين
رخمين اوي اتحكم عليهم بالاعدام فسألو الاول نفسك في ايه قال نفسي اشوف
امي وبعدين سألو التاني نفسك في ايه قالهم نفسي متخلوهوش يشوف امه


إتنين
مشين فى الصحرا طلع عليهم اسد فواحد منهم رماه بطوبة وجرى بيبص وراه لقى
صاحبة واقف بيقولة إنت مبتجريش لية قالو وانا مالى هو انا إللى ضربته


مره واحد اتحكم عليه بالاعدام فسأله عشماوى نفسك فى ايه قبل ما تموت فقعد يرفس ففكوه قالوه يا جزمه كنت هتخنق

واحد صينى وقع اتكسر

مرة دكتور تحليل امة ماتت قال تحاليلي ياما







مرة
واحد غبي ضاعت محفظته راح القسم عمل محضر الظابط بيقولوا ماتقلقش يابلدينا
هنجبهالك من تحت الأرض وبعد ما خرج من القسم شاف الناس بيحفروا للخط بتاع
المترو راح قايلهم الهمة يارجالة سودة وبسوستة


مرة واحد ندل ركب اتوبيس شاف واحدة قاعدة، بصلها بصتله، غمزلها غمزتله، قالها انزلي المحطة اللي جاية، نزلت راح قاعد مكانها

واحد
فافى وهو نازل من البيت أمه سالته “رايح فين؟” فقال لها “مش هقولك انا حر”
، نزل ووقف تاكسى فالسواق ساله “على فين يا باشا؟؟؟” قال له يعنى أنا
مقولتش لمامي هقول لك أنت”




مره
واحد راح يعزى فى واحد صحبه فهو ماشى فى الجنازه قابل بائع بطيخ فشترى
واحده فالناس طول ماهيه ماشيه بتبوص للبطيخه وتقول كلنا لها راح رادد عليهم
وقال محدش واخد منها حاجه


حان
موعد اختبار المجانين فرسم الدكتور باب مقفول على الحائط واحد ركله والاخر
بطحه وضحك الاخير فظن الدكتور أنه شفى فسألة عما يضحكه فقال له
المجنون:المفتاح فى جيب


مرة
واحد بيقول لمراته “اعملى محشى” فقالت له “ما بعرفش” قلها “ماليش دعوة”
فراح الشغل ورجع لقى السفرة مليانة محشى قلها “مين اللى عمله؟” فقالت
“معرفش” فأشتكى للبواب، البواب رد وقاله “الشقة ديه مسكونة” فقله “لاياعم
أنا هروح شقة حلوان” فطلع الشقة لقى العفش محلول وهو نازل لقى أربع عفاريت
بيغنوا “هنروح حلوان هنروح حلوان”


واحد
غني بيتأتأ فراح رحله على حسابه مع اصحابه طول السكه قاعد يقول “ن ن ن”
لمل وصلوا قالهم” نسيت الفلوس” فرجعوا طول الطريق قاعد يقول” ك ك ك” فلما
وصلوا قالهم” كنت باضحك عليكم”




مرة واحد رخم اوى وقع في حفرة ، قال احسن

مره
واحد فشار قوى بيقول لصاحبه انا كنت ماشى فى الصحره طلع عليا اسد نطيت في
البحر،صاحبه قاله بحر ايه بس اللي فى الصحره، قال لا انا قلت لقيت ابو
الهول اتشعلقت فى رقبته، صاحبه قاله وايه اللي جاب ابو الهول في الصحرا،
فقال وانا ماشى فى الصحره طلع عليا اسد أكلنى.. ارتحت


مره
اتنين متاخرين على المدرسه الاستاذ بيسال الاول انت ايه اللى اخرك قاله
كانت فيه 5 جنيه ضيعه مني وبدور عليها فمسك التانى وانته ايه اللى اخرك
قاله أصل انا اللى كنت دايس عليها


عملوا
جائزة مليون جنيه للي عنده 10 عيال، واحد عنده تسعة قال لمراته أنا كنت
متجوز عليكى ومعايا ولد أروح أجيبه ونكمل العشرة ونكسب الجايزة، راح ولما
رجع ملقاش العيال سأل مراته فين العيال قالتله كل عيل أبوه جه خده.


مره
واحد سرق فرخه وراح عند البحر نضفها وكلها جه الضابط وقاله انت سرقت
الفرخه قاله لا يا باشا قاله الضابط والريش ده؟ قاله دى نزلت تستحمى و
قالتلى اخلى بالى من الهدوم




محشش قطع رأس أخوه وهو نايم…وقعد يضحك ويقول: هيتجنن لما يصحى الصبح وميلقهاش !!

واحد
مسطول راح صيدلية يشترى جبنة حاول الصيدلى يفهمة ان مفيش جبنه بتتباع هنا
وشويه و مسطول تاني جه، فالصيدلى قاله فهم صاحبك ان مفيش جبنه بتتباع هنا
قال لة ياعم سيبك منة دا غبى ادينى بنص جنيه لانشون


واحد غبي كان بيدق مسمار في الحيطه فوقع فقاله تعالى ما جاش، تعالى ما جاش، قام جاب شويه مسامير ورماهم عليه وقالهم…هاتووووووه

سكران بيتمنى رمضان يبقى زى كاس العالم كل اربع سنين وكل مره فى بلد

اتنين سكرانين بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره


رة
في 3 بخلاء راحو لي تبرع لجمعية خيرية فالاول قال انا حطلع مبلغ و ارميه
علي الحيطة و اللي يلزء حتبرع بيه اللي يوقع اخدو انا و التاني قال انا
المبلغ اللي احدفو في السما و يلزق حتبرع بيه اللي ينزل حخدو انا و التالت
قال انا حرسم خرم و ارمي الفلوس اللي يوقع جوة حتبرع بيه

بخيل
راح عشان يتجوز ابو العروسة بيقولوا احنا عايزين مهر عشر تلاف جنية البخيل
قاله: ايه عشر تلاف جنية ده انا معروض عليا بالفين وحامل كمان؟؟؟


سألوا
بخيل : لو الدنيا برد تعمل ايه؟ قال : اقعد جنب الدفايه قالولوا لو الدنيا
برد موت ؟ قال: الزق في الدفايه قالولوا : طب لو الدنيا بقت تلج؟ قال:
أمري لله ………. أفتح الدفايه وخلاص




قال الطبيب للبخيل : خذ من هذا الدواء أربع ملاعق كل يوم .
فرد البخيل : لكن يا دكتور .. لا يوجد عندي إلا ملعقتين فقط ! فما العمل ؟؟


واحد
بخيل قال لابنه : إنجح السنة دي وانا أجبلك كورة .. الولد شد حيله ونجح ..
أبوه إشترى له كورة .. وقال له : طب لو نجحت السنة الجاية أنفخها لك


واحد بخيل دخل على ولاده وقعد يزعق بصوت عالى علشان مشغلين المروحه على 3 وهما 2 بس



مرة 5 دخلوا كلية الهندسة اثنين طلعوا مهندسين وثلاثة مدينة نصر

عربية كحيانة صاحبها سابها قدام بيت مهجور…ليه؟؟ عاوزها تبقى عربية شبح

ثلاثة مساطيل قاعدين في سهرة
الأول : أنا عندي فلوس أشتري فيها أمريكا الشمالية
الثاني : وأنا عندي فلوس أشتري فيها أمريكا الشمالية و الجنوبية
الثالث : و مين قالكم إني رح أبيع


مره واحد عداه العيب اخد الي بعده

واحد خلقه ضاق اداه لأخوه الصغير
دبانة وقعت فى ازازة وسكى طلعت تقول اوعى النسر
واحد مشغول اتجوز واحدة مشغولة خلفوا ولد مش فاضلهم
مرة مدرس رياضيات خلف ولدين و استنتج التالت
احدة اتجوزت واحد شخصيته مهزوزة . ركبت له أريل
مرة ممثل كبير جاله دور برد , رفضه
مرة مذيعة عملت عملية في ظهرها…شالولها فقرة ..و حطوا برنامج


مرة واحد مسطول بيلعلب كورة اخد الكورة على صدرة طلعها من منخيرة
همبورجر وبيبسى و بطاطس بيجروا فى الشارع لية؟ عشان وجبات سريعة
واحده
بلدياتنا قالت لجوزها قولى كلمه حلوه ، قال لها بسبوسه قالت له يا اخى
قولى كلمه تهزنى ، قال لها مرجيحه قالت له قولى كلمه احس فيها انى مراتك
قال لها انتى طالق
مرة دكتور اسنان اشترى عود قصب لقاه مسوس حشاه
حكم كوره أعد على قهوه …طلب واحد صفر
احد سباك نفسه اتسدت غرقت الشقة
الرجوع الى أعلى الصفحة اذهب الى الأسفل
 
نكت رائعة جدااااااااااااا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات الترفيهيه :: منتدى النكت والفكاهه-
انتقل الى: